شمالی وزیرستان میں پاک فوج کے مشترکہ آپریشن میں 21 وہابی دہشت گرد ہلاک

مہر خبررساں ایجنسی نے ڈان کے حوالے سے نقل کیا ہے کہ پاکستان کے قبائلی علاقہ شمالی وزیرستان میں  شوال کے علاقہ میں پاک فوج اور فضائیہ کے مشترکہ آپریشن میں 21 وہابی دہشت گرد ہلاک ہوگئے ہیں۔ اطلاعات کے مطابق پاک فوج کے شعبہ تعلقات عامہ " آئی ایس پی آر" کی جانب سے جاری کئے گئے بیان کے مطابق شمالی وزیرستان کے علاقے شوال میں بھاگتے ہوئے دہشت گردوں کی تلاش اور ان کے ٹھکانوں کے خاتمے کے لئے آرمی ایوی ایشن اور پاک فضائیہ کا مشترکہ آپریشن جاری ہے جب کہ زمینی دستے بھی دہشت گردوں کے خلاف کارروائی میں حصہ لے رہے ہیں۔ اس مشترکہ کارروائی میں گزشتہ رات سے اب تک 21  وہابی دہشت گرد ہلاک کئے جاچکے ہیں۔